برو ماس جينر

بتدور على ماس جينر يساعدك في زيادة الكتلة العضلية وخايف من الدهون اللي ممكن يسببها ومش هتعرف تخلص منها؟

نيوتراسيا برو ماس هو الحل المثالي ليك. وده لأنه ماس جينر تم تصميمه بطريقة علمية مثالية علشان يساعدك تبني عضلاتك بكفاءة وأمان. بعكس منتجات الـ ماس جينر التقليدية اللي بتديك سعرات وكارب زيادة هتتسبب في تراكم الدهون،برو ماس بيديلك نسبة متوازنة 2:1 من الكارب للبروتين، عشان تكسب عضل صافي من غير زيادة في الدهون.

برو ماس كمان فيه إنزيمات هضم اثبتت الابحاث فعاليتها في مساعدة جسمك على امتصاص كل جرام من البروتين والكارب، وبيحتوي على مجموعة فيتامينات ومعادن أساسية بتدعم مناعتك وبتحسن عملية التمثيل الغذائي. غير كده، مجموعة الأحماض الأمينية الموجودة في برو ماس ضرورية لاستشفاء العضلات وزيادة القدرة على التحمل والبناء العضلي، وده بيخليه الخيار المثالي وسط مكملات زيادة الوزن ومكملات بناء العضلات.

سواء كنت بتستخدم برو ماس كـ بديل لوجبة أو كجزء من خطة الـ تضخيم بتاعتك، هتاخد مكونات عالية الجودة وسعرات مدروسة، واللي بدمجه مع خطة تمرين وتغذية مظبوطة، هتكسب كتلة عضلية صافية من غير أي دهون زيادة.

ليه برو ماس مختلف عن باقي أنواع الماس جينر؟

• 50 جرام بروتين بامتصاص متدرج: 20 جرام من الـ واي بروتين السريع الامتصاص، 20 جرام من الـ كازين بروتين البطيء الامتصاص، و10 جرام من بروتين البيض متوسط الامتصاص.
• 100 جرام كارب بامتصاص متدرج: خليط من الكربوهيدرات السريعة والبطيئة زي الشوفان، جنين القمح, نشا البطاطس، والدكستروز.
• 10 جرام دهون صحية: تشمل CLA اللي بيساعد في زيادة العضلات الصافية.
• مجموعة أحماض أمينية: 3 جرام كرياتين، 10 جرام BCAAs، و8 جرام جلوتامين لدعم التعافي وبناء العضلات.
• أوميجا 3 و 6، ومجموعة شاملة من الفيتامينات والمعادن، مع إنزيمات الهضم علشان تاخد منتج متكامل.

مع نيوتراسيا برو ماس، إنت مش بس بتستخدم ماس جينر، إنت بتستخدم منتج عالي الجودة مصمم خصيصًا عشان يساعدك توصل لأهداف الـ تضخيم بتاعتك من غير دهون زيادة.

المزايا الأساسية:

• زيادة عضلات صافية بنسب متوازنة من الكارب والبروتين
• امتصاص متدرج يديك تغذية متوازنة
• إنزيمات هضم لعملية هضم وامتصاص أفضل
• غني بالأحماض الأمينية، الفيتامينات، والمعادن لدعم الجسم بالكامل
• مناسب كبديل لوجبة ولخطة الـ تضخيم

جرب برو ماس دلوقتي وضخم على نضيف.

ليه برو ماس بيختلف عن باقي منتجات زيادة الوزن اللي في السوق؟

لأن كل جرعة من برو ماس بتقدلك العناصر الغذائية الرئيسية بالنسب المظبوطة اللي بيحتاجها الجسم. فهتلاقي نسبة الكارب للبروتين هي النسبة الطبيعية للأنسان الطبيعي 2:1 وهتلاقي كمان الدهون الصحية وهتلاقي الأحماض الأمينية المهمة زي الكرياتين وال BCAAs والجلوتامين وهتلاقي أوميجا 3 و 6 وهتلاقي CLA وهتلاقي انزيمات هضم وفيتامينات ومعادن اللي الجسم بيحتاجها عشان يستخدم كل العناصر دي.
هتلاقي في كل سيرف من برو ماس:

1- ميكس البروتين:
تم تصميمه بمعايير دقيقة لتوفير 50 جرام من مزيج البروتين عالي الجودة ومتعدد مراحل الامتصاص. برو ماس بيقدملك 20 جم من الكازين ؛ 20 جم من ميكس الواي أيزوليت والواي كونسنتريت؛ و10 جم بروتين بياض البيض.
ومزيج البروتين ده بيوفرلك اللي انت محتاجه من الواي سريع الامتصاص والهضم للمساعدة في تحفيز تكوين بروتين العضلات بسرعة، بالإضافة إلى كمية كافية من الكازين بطيء الهضم للحفاظ على معدل تكوين ثابت من البروتين طول اليوم.
بروتين بياض البيض بيوفر مصدر بروتين متوسط الهضم وبيوفر كمان مستويات أعلى من الأحماض الأمينية المحتوية على الكبريت مقارنة ببروتينات الألبان.
مزيج البروتين ده تم تصميمه بناءً على الدراسات اللي وضحت ان توفير الكازين بطيء الامتصاص مع الواي سريع الامتصاص وبروتين البيض متوسط الامتصاص بيحافظ على معدل تكوين العضلات لفترات أطول وبيحافظ على توازن نسب البروتين في الجسم وحماية العضلات من التكسير. يعني ببساطة، مزيج البروتين زي الموجود في برو ماس هو كل ما تطمح اليه عضلاتك.

2- ميكس الكارب:
كل جرعة من برو ماس فيها 100 جرام من الكربوهيدرات علشان توصل نسبة 2:1 من الكربوهيدرات إلى البروتين. ودي حاجة مهمة جداً. خد كارب كتير هتكسب دهون كتير. خد كارب قليل هتعطل نمو عضلاتك. نسبة الكارب الموجودة في برو ماس هي النسبة الطبيعية اللي هتساعدك تعزز مكاسبك بقوة وثبات.
مش بس كدة لو كان ال100 جرام دول كارب سريع الامتصاص كان نصهم على الاقل هيتحول لدهون بعد مايستخدم الجسم النص التاني اللي بيحتاجه. علشان كدة ميكس الكارب في برو ماس بيديلك 40 جرام كارب سريع الامتصاص علشان يمدوا العضلات بمصدر سريع للطاقة ويملوا مخازن الجليكوجين و 40 جرام كارب بطيء الامتصاص علشان يحافظ على امداد العضلات بالطاقة على مدار اليوم و 20 جرام ألياف علشان ينظم حركة المعدة ويقلل مشاكل الهضم ويحسن الصحة العامة. ميكس الكارب ده وفرناهولك من انضف مصادر الكارب الموجودة وهي جنين القمح والشوفان ونشا البطاطا والدكستروز والمالتودكسترين.
عند النسبة دي، من غير المرجح أن تزيد نسبة الأنسولين خارج النطاق الطبيعي أو تزيد الدهون بسهولة زي ما بيحصل مع منتجات زيادة الكتلة اللي بتعتمد بشكل أساسي على الكربوهيدرات سريعة الامتصاص زي الدكستروز أو المالتوديكسترين لوحدهم "سكريات". وكمان تقدر تستخدم برو ماس قبل التمرين ك بري وورك أوت، حيث أنه هيوفرلك كمية مناسبة من الكارب السريع وبعده كمية تانية من الكارب البطيء للمساعدة في توفير الطاقة من بداية التمرين ولحد نهايته. وفي ابحاث بتدعم الفكرة دي بتقول ان تناول كمية مناسبة من الكارب قبل التمرين بيحافظ على معدل نمو العضلات .
وغير كدة الكارب بكمية مناسبة بيدعم نمو الكتلة العضلية عن طريق الجليكوجين، وهو شكل تخزين الكربوهيدرات في العضلات، وده بيسحب المياه لخلايا العضلات. ولما بيزيد محتوى الجليكوجين في العضلات، بتكون العضلات اكبر واكثر امتلاءً. ومش بس الشكل الممتلئ اللي بيوفره الجليكوجين - لكن كمان بيزود مدل الليونة في العضلات واللي هيساعد في تسهيل مسارات التفاعلات البيوكيميائية واللي هتساعد بدورها في زيادة تكوين البروتين وبالتالي هيساعد في زيادة دائمة في حجم العضلات.

3- ميكس الدهون:
الدهون هي واحد من العناصر الغذائية الأساسية اللي كانت بتمثل الشيطان في النظام الغذائي لعقود لحد مالعلم قال كلمته ووضح أهميتها. بعد البروتين، تعتبر الدهون تاني أهم عنصر غذائي، وخصوصا لو كان اكتساب كتلة عضلية حاجة مهمة بالنسبالك.
تعتبر الدهون الصحية مصدر مهم لبناء العضلات لما بتستهلكها بالكميات المتوازنة والأنواع المناسبة. وده ينطبق بشكل خاص على الرجال الأصحاء. تشير بعض الدراسات إلى أن الذكور الأصحاء اللي بيتناولوا وجبات غذائية تحتوي على نسبة متوازنة من الدهون، وخاصة الدهون المشبعة والأحادية غير المشبعة، عندهم مستويات هرمون التستوستيرون بتكون أعلى من اللي بيتناولوا كميات أقل من الدهون. والعكس صحيح، بتشير دراسات أخرى أن الذكور الأصحاء اللي بيتناولوا وجبات بتحتوي على نسبة أعلى من الدهون المتعددة غير المشبعة، مقارنة بالدهون المشبعة والأحادية غير المشبعة، عندهم مستويات أقل من هرمون التستوستيرون.
بعض منتجات زيادة الوزن بتستخدم مصادر رخيصة من الدهون المتعددة غير المشبعة. ومش ده النوع من الدهون الموصى به للرجل السليم اللي بيحاول زيادة نمو العضلات. من الناحية المثالية، المفروض نظامك الغذائي يوفر نسبة 1:1:1 من الدهون المشبعة إلى الدهون الأحادية غير المشبعة إلى الدهون المتعددة غير المشبعة. بس مع الاسف مش سهل حساب نسب الدهون ونوعها كل يوم.
شركة نيوتراسيا مابتخمنش, احنا عملنا الحسابات وصممنا ميكس من الدهون يبوفر النسبة المذكورة أعلاه 1:1:1 (المشبعة إلى الدهون الأحادية غير المشبعة إلى الدهون المتعددة غير المشبعة)، بالإضافة إلى 1 جرام من حمض اللينوليك وده نوع من أنواع أوميجا 6 ومعروف باسم CLA.
وده من الدهون المتعددة غير مشبعة واللي صعب يحصل عليه معظم الناس في نظامهم الغذائي.

4- ميكس الأحماض الأمينية:
أول وأهم واحد 3 جم كرياتين؛ وده من أهم الأحماض الأمينية اللي بيحتاجها الجسم كمصدر للطاقة وبيساعد في زيادة حجم العضلات وقوتها.
تاني حاجة 10 جرام BCAAs ودي من الوحدات الأساسية لتكوين العضلات وبتكون عامل مهم جداً للاستشفاء بعد التمرين. والكمية دي جزء منها مضاف وجزء موجود بشكل طبيعي.
تالت حاجة 8 جرام جلوتامين مابين مضاف وموجود بشكل طبيعي وده بيدعم نمو العضلات.


5- إضافات مهمة:
التفاصيل مهمة، كل البروتينات والكربوهيدرات والدهون والأحماض الأمينية دي من غير ميكس دعم الهضم والامتصاص والتمثيل الغذائي هيتم إهدارها بدون استخدام.
برو ماس فيه مزيج مناسب من العناصر الدقيقة اللي هتساعدك علشان تستفيد من كل جرام في تركيبتك.
مجموعة الإنزيمات الهضمية (الأميلاز، البابين، اللاكتاز، التربسين)
مجموعة الفيتامينات (فيتامين C، فيتامين B المركب، فيتامين D، فيتامين E، فيتامين K)
المعادن (المغنيسيوم، الفسفور، الزنك، الكالسيوم)

ضيف سكوب من برو ماس على كمية كفاية من المياه "500 مل" ورج كويس قبل الاستخدام.
تقدر تزود المياه المتسخدمة براحتك علشان توصل لطعم أخف.

تقدر تستخدمه لزيادة عدد السعرات الحرارية على مدار اليوم لزيادة الوزن.
وتقدر تستخدمه كبديل لوجبة من الوجبات في الأيام الزحمة اللي مابتقدرش فيها تاخد وجباتك كاملة.
أفضل أوقات الأستخدام هي أول اليوم صباحاً أو قبل التمرين بنص ساعة.

غير مخصص للاستخدام من قبل الأشخاص الذين تقل أعمارهم عن 18 عامًا.
لا تستخدميه أثناء الحمل أو الرضاعة.
حافظ على ارتواء جسمك جيدًا طوال اليوم.
يحفظ بعيدا عن متناول الأطفال.
قد تختلف النتائج نتيجة لاختلاف طبيعة الأشخاص
معلومات مسببة للحساسية:
يحتوي على مكونات الحليب.

ملحوظة: لم يتم تقييم هذه البيانات من قبل إدارة الغذاء والدواء. ليس المقصود من هذا المنتج تشخيص أي مرض أو علاجه أو الوقاية منه.