برو بوست | Pre Workout هينسيك الحجج!

كرياتين:
الكرياتين بيشبع العضلات بمصدر هايل للطاقة تقدر عضلاتك تستخدمه علشان تأدي كويس لآخر عدة في التمرين غير انه بيملى العضلات بالمياه وبيساعد على زيادة ضخ الدم للعضلات مع السيترولين.

سيترولين:
عايز تعمل تمرينة جامدة؟... هتحتاج ضخ دم مثالي للعضلات من أول التمرين لأخره.
السيترولين بيشارك في تكوين النيتريك أوكسيد اللي بيوسع الأوعية الدموية وبالتالي الدم بيوصل لكل خلاية الجسم بشكل أفضل وبالتالي عضلاتك هتحصل على الأكسجين والغذاء
اللي هي محتاجاه علشان توصل افضل أداء.

بيتا ألانين:
وده بيعمل حاجز بين العضلات وبين حمض اللاكتيك عن طريق تكوين مركب اسمه الكارنوسين وده بيساعد على تقليل تركيز حمض اللاكتيك اللي بيسبب التعب والأرهاق. يعني ببساطة هيعلي القدرة عالتحمل في التمارين التقيلة وهيساعد على افضل استخدام للطاقة يعني هتعلي حدة التمارين وشدتها وتوصل مرتاح لأفضل اداء.

كافيين لا مائي:
وده واحد من الكتر المكونات الشائع استخدامها كبري وورك أوت وده لأنه بكل بساطه بيجيب نتيجة! جرعة الكافيين قبل التمرين غير انها بتحفز الجسم والعضلات فهي كمان بتساعدك تحافظ على تركيزك لآخر التمرين "اللي هو الوقت اللي بتكون فعلا محتاج فيه لكامل تركيزك علشان توصل لأفضل نتايج"

دكستروز:
وده كارب سريع الامتصاص واللي هيكون مصدر مهم للطاقة للعضلات مع الكرياتين اثناء التمرين.

فيتامين ب كومبلكس:
وده عنصر أساسي في عملية التمثيل الغذائي والجسم بيحتاجه عشان يستخدم المصادر المختلفة للحصول على الطاقة اللي بيحتاجها.

الألكتروليتس:
بوتاسيوم وكالسيوم وماغنسيوم
ودول بيساعدوا الجسم في الارتواء وبالتالي تحسين الأداء.

ضيف 2 سكوب "كل سكوب جوا العلبة بيشيل 5 جرام" على 200 مل مياه واستخدمه قبل التمرين ب 30 دقيقة. ما تستخدمش اكتر من جرعة واحدة يوميا "2 سكوب" وماتستخدمهوش بالليل علشان هيسبب أرق.

30 دقيقة قبل التمرين مرة واحدة في اليوم.

غير مخصص للاستخدام من قبل الأشخاص الذين تقل أعمارهم عن 18 عامًا.
لا تستخدمه قبل النوم.
لا تستخدميه أثناء الحمل أو الرضاعة.
حافظ على ارتواء جسمك جيدًا طوال اليوم.
يحفظ بعيدا عن متناول الأطفال.
قد تختلف النتائج باختلاف الأفراد المستخدمة للمنتج.

ملحوظة: لم يتم تقييم هذه البيانات من قبل إدارة الغذاء والدواء. ليس المقصود من هذا المنتج تشخيص أي مرض أو علاجه أو الوقاية منه.